Page 17 - Pichín

Pichin allquqa chusku allqullam karqa,

hichaqa hatunkaray, yanawan yuraqniyuq.

Taksalla, qaspa chukchayuqmi maman

karqa; payñataqmi llumpay uchuy chukcha

poiterhinaman wiñarurqa. Tutatutallam

masimanta lluqsiq. Mayu hichpanpi

yachaqkunam mayupi wanpusqantawan raku

aqupi quchpasqanta qawaqku. Chaymantam

Doritatawan turinkunapa puñunanam siqaspa

rikchachinanpaq kutimuq. Ichaqa mamakupa

chaqlinta uyariruspallam hutqallaman

uraykamuqku hinaspa upallalla, qasillalla,

tiyaqku wasipa qatanpa ukunta qawaspa,

mana ima ruwaqhina. Munaqmi Betowan iskay

chakillawan tusuyta, tutanñataq qawanaman

riysiyta, wasi chimpanpi kaqman riyta; chaypim

taytanwan chaskakunata yupaqku.